Մեգանի օրենք` տեղեկատվություն գրանցված սեռական հանցագործների մաս ին

Բարի գալուստ Կալիֆորնիայի արդարադատության նախարարության պաշտոնական ինտերնետային կայք, որտեղ կարող եք գտնել Կալիֆորնիայի գրանցված սեռական հանցագործների ցուցակը:







Այս կայքում եղած տեղեկությունը տրամադրված է տեղական իրավապահ մարմինների եւ այլ քրեական արդարադատության մարմինների կողմից: Համաձայն Կալիֆորնիայի օրենքի` Արդարադատության նախարարությունը լիազորված է որոշ տեղեկատվություն տրամադրել Կալիֆորնիայում` որպես սեռական հանցագործի գրանցում պահանջող անձանց վերաբերյալ: Ավելի քան 41,172 սեռական հանցագործների հասցեներ են նշված: Լրացուցիչ 11,641 օրինազանցներ կայքում գրանցված են ըստ փոստային ինդեքսի, քաղաքի եւ շրջանի: Համաձայն քրեական օրենսգրքի § 290.46 հոդվածի` այլ 30,523 հանցագործների մասին մոտավոր տեղեկություններ տեղադրված չեն այս կայքում և հնարավոր չեն առցանց տեղադրվելու, սակայն հայտնի են իրավապահ մարմիններին: Արդարադատության նախարարությունը ոչ մի պատասխանատվություն չի կրում այլ կայքերում սեռական հանցագործների մասին ներմուծված ինֆորմացիայի համար: Որոշ նմանատիպ կայքեր ինֆորմացիան վերցնում են այլ` ոչ պաշտոնական աղբյուրներից, որի հետևանքով էլ կարող է տեղի ունենալ սխալ ինֆորմացիայի տարածում: Հետևյալ կայքի պարունակած տեղեկությունը թարմացվում է ամեն օր, եւ ստացվում է բացառապես, իրավապահ մարմինների կողմից օգտագործվող, նահանգային բազայից:

Հաջորդ էջում եղած ինֆորմացիան կարդալուց հետո տեղեկատվական բազայում կարող եք փնտրել` օգտագործելով սեռական հանցագործի անունը, և ձեռք բերել փոստային ինդեքսը, քաղաքի/շրջանի ցուցակները, նաև մանրամասն անհատական տեղեկատվություն ամեն գրանցվածի մասին, և օգտագործել մեր քարտեզը տեղեկություն ստանալու համար ձեր տարածաշրջանում կամ նահանգում բնակվող այն հանցագործների մասին, ում օրենքը պարտադրում է հանրային դարձնել իր հասցեն: Ըստ օրենքի` հանցագործներին արգելվում է այցելել Մեգանի օրենքի կայքը` բացառությամբ կայքի գլխավոր էջից:

Ոչ բոլոր սեռական հանցագործներն են կալանավորված և դատապարտված: Սեռական բռնությունների մեծ մասը իրականացվում է զոհի ընտանիքի, ընկերների կամ ծանոթների կողմից: Մանրամասն տեղեկության համար բացե՛ք Ինչպե՞ս պաշտպանել Ձեզ և ձեր ընտանիքը, Փաստեր սեռական հանցագործների մասին, Հաճախ տրվող հարցեր և Կալիֆորնիայում սեռական հանցագործների գրանցման պարտականություն էջերը:

Այս կայքում նշած է, որ որոշ գրանցվածներ ներկայումս խախտում են իրենց գրանցման պահանջները։ Նրանց մասին որևէ ինֆորմացիա ունենալու դեպքում խնդրում ենք դիմեք տեղի իրավապահ մարմնի բաժանմունք:

ՈՒՇԱԴՐՈՒԹՅՈՒՆ: Ոչ մի մասնավոր ընկերության ծառայությունների միջոցով հնարավոր չէ գրանցվածներին կայքից հեռացնել: Նրանց անունները կայքից ջնջելու նպատակով պետք է դիմել Արդարադատության նախարարություն, եթե նրանք բավարարեն 290.46(ե) հոդվածի պահանջներին, ապա Արդարադատության նախարարությունը նրանց անունները կհեռացնի կայքից: Սակայն այն անձը, ով դիմել կամ հեռացվել է կայքից, դեռ չի ազատվում կայքում որպես սեռական հանցագործ գրանցվելու պարտավորվածությունից` համաձայն 290 հոդվածի և օրենքում գործող այլ իրավական դրույթների: Եթե որևէ հանցագործի` կայքում գրանցվելու պարտականությունը դատական կարգով դադարեցվել է, ապա նա իրավունք ունի դիմել Արդարադատության նախարարությանը իր գրանցումը վերանայելու նպատակով: Գրանցման վերանայում պահանջելու մասին լրացուցիչ տեղեկություններ ստանալու համար այցելեք գլխավոր դատախազի հետևյալ ինտերնետային կայքը`http://oag.ca.gov/fingerprints/security.

Կայքն ավելի լավ դիտելու համար օգտագործե՛ք հետևյալը:

Էկրանի կետային խտությունը` 1024 x 768 պիկսել կամ բարձր, Internet Explorer 5.0 կամ նոր, Netscape 6.1 կամ նոր

Այցելե՛ք Կալիֆորնիայի Մեգանի օրենքի համաձայն սեռական հանցագործների գրանցման կայք: